February 24, 2008
أجمل حاجة الضلمة ..من غير ما تغمض عنيك ماتشوفش غير الضلمة ، تسرح وتشطح من فكره لفكرةه ، ومن خيال لخيال ، ومن حكاية لحكاية ..تبنى احلام فوق احلام ،وتطلع من موقف وتدخل التانى ، اللى نفسك فيه تعمله من غير ماحد يوقفك عند حدك ،ولا حدد يقولك كفايه كده عيب ، او إعقل وبلاش احلام .
اجمل ما في الضلمة انك تبقى لوحدك وفى نفس الوقت مع كل الناس ..اللى انت بتحبهم بس واللى بترتاح لهم بس ، الضلمة جنه مليانه ناس تعرفهم ويعرفوك ، علشان كده عمر الضلمة ماتخوف ..مين يقدر يقولى ان الطفل بطن امه كان بيخاف من الضلمة او بيبكى من الضلمة او بيزعل من الضلمة ، الطفل كان سابح فى الاحلا وبيرفس اى حد بيحط ايده عليه من بره ، لان الضلمة بتاعته ودنياه ..ماحدش سأل نفسه ليه الطفل لما يتولد ويفتح عنيه بيصرخ ، ويعرف لاول مره فى حياته طعم الخوف والدموع والبكاء ، حد شاف فى يوم طفل اول ما اتولد كان بيضحك او مبتسم او على وجه ارتياح بالعكس الطفل اول مايفتح عنيه تلاقى فيها دهشة وحيرة وتوهان كانه واحد ضايع من اهله ، ولما حد يقرب منه ينكمش فى نفسه ويخاف من الناس والنور وضوء النهار . واكيد الطفل بعد ما بيتولد بيحلم بالضلمة وبالايام الجميلة اللى قضاها فى بطن امه لوحده يأكل من غير اكل ويشرب من غير شرب ويرتاح من غير تعب ويحب من غير سبب ..الضلمة امان والنور صدمة ..صدقونى احلى ايام العمر لما يكون الواحد لسه فى بطن امه..
The URI to TrackBack this entry is: http://mgaber.blogsome.com/2008/02/24/p3/trackback/
No comments yet.
RSS feed for comments on this post.
Line and paragraph breaks automatic, e-mail address never displayed, HTML allowed: <a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>
